Ուսումնամարզական հավաք ակադեմիայի լավագույն սաների մասնակցությամբ
2026-04-04Ապրիլի 1-ից 8-ը Արզնիում ընթանում է ուսումնամարզական հավաք՝ ակադեմիայի լավագույն սաների մասնակցությամբ։
Հավաքի ընթացքում երիտասարդ շախմատիստները ոչ միայն մարզվում են, վերլուծում պարտիաներ և խորացնում իրենց գիտելիքները, այլ նաև մասնակցում տարբեր ուսուցողական միջոցառումների։
Այսօր հավաքի շրջանակում նրանք հնարավորություն ունեցան մասնակցելու համաժամանակյա խաղի՝ ակադեմիայի հիմնադիր-նախագահ, միջազգային գրոսմայստեր Սմբատ Լպուտյանի հետ։
Այսպիսի հավաքները կարևոր դեր ունեն սաների զարգացման ճանապարհին՝ տալով փորձ, գիտելիք և նոր մոտիվացիա։
