Արագ շախմատի մրցաշար ֆինանսաբանկային ոլորտի կազմակերպութոյւնների միջև

ԿԱԶՄԱԿԵՐՊԻՉՆԵՐ
     Հայաստանի շախմատի ակադեմիա հիմնադրամ, Հայաստանի Բանկերի Միություն ՀԿ

ՄԱՍՆԱԿՑՈՒԹՅՈՒՆ
     Մրցաշարին կարող են մասնակցել ՀՀ բանկերը, վարկային, վճարահաշվարկային, ներդրումային և ապահովագրական կազմակերպություններ ներկայացնող թիմերը: Մրցաշարը կացնկացվի անհատական և թիմային ձևաչափով, ըստ ՖԻԴԵ-ի շախմատի կանոնների, շվեյցարական մրցակարգով՝ 6-7 խաղափուլով։

ՄՐՑԱՆԱԿՆԵՐ

Անհատական մրցանակներ.

• 1-ին տեղ – Հանգստյան ուղեգիր Ստեփանավանում /7 գիշեր/ նաև հատուկ հնարավորություն մասնակցելու շախմատի միջազգային հավաքին
• 2-րդ տեղ – Հանգստյան ուղեգիր Ջերմուկում /7 գիշեր/ նաև հնարավորություն մասնակցելու շախմատի միջազգային մրցաշարին
• 3-րդ տեղ – Հանգստյան ուղեգիր Ծաղկաձորում /7 գիշեր/ նաև հատուկ հնարավորություն մասնակցելու շախմատի միջազգային մրցաշարին

Թիմային մրցանակներ․

•   1-ին տեղ գրաված թիմ – Հանգստյան ուղեգիր Ծաղկաձորում /2 գիշեր/

•   2-րդ տեղ գրաված թիմ – Հանգստյան ուղեգիր Դիլիջանում /2 գիշեր/

•   3-րդ տեղ գրաված թիմ – Հանգստյան ուղեգիր Աղվերանանում /2 գիշեր/

Հատուկ մրցանակներ.

Հաղթող թիմի համար սահմանված է հատուկ մրցանակ Հայաստանի Բանկերի Միության կողմից: Մրցանակը Հայաստանի Բանկերի Միության Ուսումնական և Որակավորման Կենտրոնի կողմից կազմակերպվող վերապատրաստման դասընթաց է /Թիմի անդամները 3 ամսվա ընթացքում, ըստ իրենց ցանկության, կարող են ընտրել մեկ դասընթաց և մասնակցել անվճար/:

Մրցանակներ ոչ վարկանիշային թիմերի համար․

• Գիրք հայտնի գրոսմայստերների ստորագրությամբ
• 1 ամսյա անվճար բաժանորդագրություն ակադեմիայում գործող շախմատի ակումբում

 

ԺԱՄԿԵՏՆԵՐ

12 ապրիլի         12:00            1-ին տուր,
12 ապրիլի         12:30            2-րդ տուր,
12 ապրիլի         13:00            3-րդ տուր,
12 ապրիլի         13:30            4-րդ տուր,
12 ապրիլի         14:00            5-րդ տուր,
12 ապրիլի         14:30            6-րդ տուր,
12 ապրիլի         15:00            7-րդ տուր:

ՄՐՑԱԿԱՐԳ

Մրցաշարը կացնկացվի անհատական և թիմային հաշվարկով։

Անհատական հաշվարկ

Հավասար միավորներ վաստակելու դեպքում մրցանակները չեն կիսվում, իսկ տեղերը կորոշվեն. հատված Բուհգոլցով, այնուհետև Բուհգոլցով, անձնական հանդիպումների արդյունքի /արդյունքների/ և սև գույնով խաղացած պարտիաների քանակով:

Թիմային հաշվարկ

Թիմում մասնակցիների քանակը չպետք է գերազանցի 3-ը, իսկ  թիմային մրցանակային տեղերը որոշելու համար հաշվի է առնվելու թիմի մասնակիցներից 2-ի լավագույն արդյունքը։

Թիմի մասնակիցների կազմը փոփոխության ենթակա չէ։ Թիմի մասնակիցները պետք է հանդիսանան տվյալ կազմակերպության աշխատակից։ Թիմի մասնակիցները մրցաշարի ընթացքում չեն խաղալու միմյանց հետ։

Մրցանակների հավակնող թիմերի հավաքած միավորների հավասարության դեպքում հաշվի է առնվում անհատական մրցաշարում թիմի մասնակիցների ավելի բարձր տեղ գրաված արդյունքը։

ԺԱՄԱԿԱՐԳ

10 րոպե մինչև պարտիայի ավարտը (2 վայրկյան հավելումով` յուրաքանչյուր քայլին,  սկսած առաջին քայլից):

ՄՈՒՏՔԱՎՃԱՐ

Մրցաշարի մասնակցության վճարը յուրաքանչյուր թիմի համար կազմում է 150 000 ՀՀ դրամ։
Փոխանցումները անհրաժեշտ է  կատարել հետևյալ բանկային հաշվին՝

Շահառու՝          Հայաստանի շախմատի ակադեմիա հիմնադրամ

Բանկ՝                Ամերիաբանկ ՓԲԸ

Հ/հ՝                    1570018417800100

ՀՎՀՀ՝               02560522

Փոխանցում կատարելիս նպատակ դաշտում նշել կազմակերպության անունը, կոնտակտային հեռախոսահամար, մասնակցության վճար:

 

ԳՐԱՆՑՈՒՄ

Կնքված և ստորագրված հայտեր ներկայացնելու վերջնաժամկետն է 2025 թվականի ապրիլի 11-ը, ժամը 18։00-ն։ Կանոնադրությանը կցված հայտը լրացված վիճակում կարող եք ուղարկել  info@chessacademy.am էլեկտրոնային հասցեին:

ԱՆՑԿԱՑՄԱՆ ՎԱՅՐ

Մրցաշարը կանցկացվի Հայաստանի շախմատի ակադեմիայում /ք․ Երևան, Շևչենկո 34/։

ԿՈՆՏԱԿՏԱՅԻՆ ՏՎՅԱԼՆԵՐ

Հեռ՝  +374 10 448473, +374 43 448473,  Էլ. փոստ՝ info@chessacademy.am